Wednesday, May 28, 2008

والله وصرت بلوجر

اخير وبعد جدال وتفكير كبير مع نفسي اخد اكتر من سنة من وقت انشائي للاكونت دا في فبراير 2007

قررت اني اعمل بلوج وانضم الي صفوف البلوجرريين بعد ما سبقني اغلب اصدقائي الاوغاد في تسلسل اقرب الي عدوه لكنها عدوه جميلة

من احد الاسباب اللي خلتني اعمل المدونة دي هو اشتيقائي للكتابة او بمعنى اصح حرية الكتابة

فهنا انا هكتب اللي انا عاوزه واللي على مزاجي بدون اي قيود ولا خضوع لمتطلبات صحفية او حساب لقارئ جريدة معينه

ولا هكون محايد او مجامل لفلان او علان وبقولها من اولها اللي هيزعل ميدخلش هنا (ايموشن ديكتاتور)

ومش محتاج اقول ان دي مدونة شخصية خاصة بيا عاملها عشان ارغي واقول كل اللي في نفسي حاجة كدا زي ما بيقال بجعر بصوت عالي ومسير الايام تتداول ونتكلم ونعرف بعض اكتر

وقبل ما انسى ولو انها كانت المفروض تبقى اول حاجة تتقال .. يا مراحب بكم في السلطنة ونتمنى لكم قضاء اسعد الاوقات وكل عام وانتم بخير وحظ سعيد المرة القادمة وكل الكلام اللي بيتقال في المناسبات دي

8 comments:

صبري سراج said...

جيمي يا صديقي

مبروك البلوج .. ومستنيك بكرة

moodysalihamidzic said...

مباراكوف

Unknown said...

عقبال ما تتلم مع المزه في زنزانه واحده :D

خلاص عملت البلوج مش ناقصك غير العروسه :D

Mahmoud Zayed

Ahmed Gamal said...

صبورتي

الله يبارك فيم يا معلم

واليوم كان لذيذ ربنا يخليلنا الارض الطاهرة

Ahmed Gamal said...

مودي ابو المضاميض

مش عارف دي بانهي لغة بس شكلها اللغة المودحميتدشية

والله يباركوف فيك

Ahmed Gamal said...

زيدو

حبيب قلبي .. مزه اه جواز لاء

انت عارف انا مش بتاع انتظام :D

نورت يا معلم البلوج ويارب ما تكون الاخيره

محمد حمدي said...

حبيب قلبى
والله والبلوج سبوت نور يا رجاله

ده انا حتى الحاج ميكروسوفت كلمنى امبارح وقالى يا خبيبى فى واخده دخلت البلوجسفير اسمهااحمد جمال قلتله ده زينه الشباب يا خواجه

مبارك البلوج يا احمد .. ويا جمال التدوين

ايموشن بيغمز بخبث

Ahmed Gamal said...

محمد حمدي يعني الصداقة بجد

صاحب مدونة دماغي (مش دماغي انا لاء هو مسميها كدا)

البلوج سبوت منور بناسه يا معلم وعلى اعلى مستوى

عايزين نخلص على الحاج ميكروسوفت وبالمرة نهدم اسطورة هيكل ووالاخويين امين

مع اني ضد التوريث لكن لو العلاقة ممكن تبقى بالشكل اللي عايز تحبسني بيه دا
يبقى يا مراحب وامسكها وازيطكو ويبقى النشيد الوطني بلد ابويا وجدي وولادي بعدي

ومبارك عليكم انا في التدوين (ايموشن بيغمز بخبث اكتر من ايموشنك)

نورتني يا معلم