والله وصرت بلوجر

اخير وبعد جدال وتفكير كبير مع نفسي اخد اكتر من سنة من وقت انشائي للاكونت دا في فبراير 2007

قررت اني اعمل بلوج وانضم الي صفوف البلوجرريين بعد ما سبقني اغلب اصدقائي الاوغاد في تسلسل اقرب الي عدوه لكنها عدوه جميلة

من احد الاسباب اللي خلتني اعمل المدونة دي هو اشتيقائي للكتابة او بمعنى اصح حرية الكتابة

فهنا انا هكتب اللي انا عاوزه واللي على مزاجي بدون اي قيود ولا خضوع لمتطلبات صحفية او حساب لقارئ جريدة معينه

ولا هكون محايد او مجامل لفلان او علان وبقولها من اولها اللي هيزعل ميدخلش هنا (ايموشن ديكتاتور)

ومش محتاج اقول ان دي مدونة شخصية خاصة بيا عاملها عشان ارغي واقول كل اللي في نفسي حاجة كدا زي ما بيقال بجعر بصوت عالي ومسير الايام تتداول ونتكلم ونعرف بعض اكتر

وقبل ما انسى ولو انها كانت المفروض تبقى اول حاجة تتقال .. يا مراحب بكم في السلطنة ونتمنى لكم قضاء اسعد الاوقات وكل عام وانتم بخير وحظ سعيد المرة القادمة وكل الكلام اللي بيتقال في المناسبات دي